Awit ng Puso

 Awit ng Puso: Dugtungang Tula

"Ang isang hinabing tula

kung ito'y hindi mababasa

ng kahit isang musmos na bata

dahil ito'y nakatago't ikinandado sa baul,

kailanma'y hindi ito maituturing na tula."

===================

(1) Halos mapugto ang paghinga,

isang buhay - bunga ng dalawang

pusong nagsanib at nagmahalan...

(2) Nagmahalan mga pusong

iisa ang pintig, larawan ng matamis

at masayang ugnayan sa silong ng langit...

(3) Langit ma'y naki-ayon sa nakita,

nagaalab na mga damdamin

at hindi mapigil na ligaya...

(4) Ligaya sa bawa't ngiti sa t'wing

naglalapat kan'lang mga labi,

sinasambit ay pag-ibig...

(5) Pag-ibig sa Dios at sa kapwa - utos

na dapat sundin ng tao, wag sumuko kay Covid19

virus lang siya, pagpinitik ng Dios, sya'y mawawala...

(6) Mawawala kaman sa'king paningin, nguni't

mananatili ang alaala mo sa'king puso't isipan

habang ako'y nabubuhay...

(7) Nabubuhay ako sa alaala ng kahapon

bakas ng pighati't pagdurusa, nguni't sa kan'la

ako'y humuhugot ng lakas para lumaban...

(8) Lumaban ako para mabuhay, lumakad sa gitna

ng mga pagsubok, sandata ko'y lakas ng loob,

mga dasal at paniniwala na ako'y magtagumpay...

(9) Magtagumpay ang siya kong ibig,

marating ang dulo ng tuktok, ang koronang

naghihintay doon ay masungkit...

(10) Masungkit ang matagal ko nang minimithi:

sagana ng pagmamahal, pagsusunuran,

may takot sa Dios - isang masayang pamilya...

(11) Pamilya pinaka-ugat ng isang komunidad, salat man

sa maraming bagay, nguni't ang bawa't miyembro'y

masigasig sa pagbuo ng masayang tahanan...

(12) Tahanan kung saan kampante't komportable

ang bawa't isa - gawa man ito sa kawayan o semento,

buhay ang pagmamahalan ng bawa't miyembro...

(13) Miyembro ka ng isang samaha't sa balikat mo'y

naka-atang ang tungkulin, kapag ika'y naging pabaya,

tawag sa iyo'y walang silbi't inutil kang tao...

(14) Tao, masarap mabuhay, sa umaga langhap

ang halimuyak ng kabukiran, malayang

mamumuhay na masaya kahit salat sa pera...

(15) Pera dahilan bakit nawasak ang sinapupunan

ni Inang-Kalikasan, tulad sa nangyayari ngayon

sa Homonhon Island, Guiuan dahil sa pagmimina...

(16) Pagmimina uri ng pagkakakitaan, wawasakin bituka

ng Lupang kinagisnan at ganda nito ng mga taong

uhaw sa dugo nya at sa makukuhang kayamanan...

(17) Kayamanan ang kanilang dino-dios, nguni't

sa oras na magpantay ang kan'lang mga paa,

iiwanan din naman sa lupang pinagmulan...

(18) Pinagmulan ng tao'y mula sa alabok, hiningahan

ng Dakilang Dios para maging Kaluluwang-buhay,

nguni't paglipas ng panahon, ibang niluhura't sinamba...

(19) Sinamba ang sariling talino't kakayahan,

nakalimutan nya yun ay bigay ng Maykapal

at kanyang ginamit sa kasamaan...

(20) Kasamaan ng tao'y may dahilan: maaaring sya'y

ginipit, inabuso't inalipusta't pinahirapan,

ang poot at galit nya'y humantong sa paghihigante...

(21) Paghihigante ang nasa isip at puso ng tao, namumuhay

ang espiritu ng dilim sa kanya, kahit nasa harap

ang liwanag, hindi makita ng galit-na-puso...

(22) Galit-na-puso madaling madaya, malimit

napapaniwala ito sa kasinungalinga't nagiging sanhi

ng pagkabulag, ang mali sa kanya ay tama...

(23) Tama kung gagawa ng mabuti, kung tapat sa sarili't

iiwasang magkamali - pero yun ba ay tiyak

na mabuti sa paningin ng Manlilikha?

(24) Manlilikha, taglay ang ekstrang pares ng tainga, anumang

himig ay maririnig, may ekstrang ilong na makakalanghap

ng ibang baho, bango't lansa ng buhay...

(25) Buhay ng tao'y tulad ng dahong malago, sa sanga

ng punong-kahoy, kapag natuyo na - kusa itong

malalaglag at sa lupa'y mananahan...

(26) Mananahan ka dapat sa iyong tahanan, huwag balewalain

ang pakiusap ng Pangulo - ang kalaban natin 'di nakikita,

masayang nananakit at pumapatay si Covid19...

(27) Covid19, buong mundo nanginginig sa sobrang

takot sa iyo - marami nang naging abo, lumuha't

nabaon sa lupa, kailan ka matsutsugi't maglalaho?

(28) Maglalaho ang lahat ng bagay sa panahong itinakda,

patunay na walang forever - may pipigil ba kung

babatiin ko in advance ang lahat ng #HappyBirthday?

(29) Happy birthday sa lahat na nagdiriwang ng kan'lang

kaarawan sa araw na ito, pagpalain kayo ng Maylalang,

ngayon at sa susunod pang mga taon, love U...

===============

(30) Salamat po sa Dios.

Sa Dios po ang lahat ng Karangalan

at Kapurihan Magpakailan-kailanman.

===============

Ang tulang ito ay bukas po sa inyong komento?

Salamat po...

Kabayan Kung si Sen De Lima ay Aawit ng Mga Kataga ng Pagsisisi - Siya Po Ba'y Iyong Mapapatawad?

Pagmamahalan Na Humantong Sa Kulungan - Ronie & Leila- Photo Credits: PNP/FB/Senate

Hindi na po ako magpapaligoyligoy pa. Ganito naglaro ang aking isip...Sa gitna ng mapanglaw na sulok ng kuwartong kinaroroonan ni Senadora Leila de Lima - namalas ko na ang lalim ng kaniyang iniisip. Ang kaniyang mga mata ay namamaga na sa pagluha habang nakapako sila sa nakabukas na bintana - at narinig ko na kaniyang kinakausap ang kaniyang sarili at sa bawat kataga na kaniyang sinasambit ay napakalinaw sa aking pandinig - sa ibaba po ang kaniyang awit.

Kung dati ako’y isang Reynang nakaupo
Sa trono ng kasikatan at kapangyarihan
Lahat ng aking ibigin ay nangyayari
Ngayon ako’y isang basahan na pinandidirihan...

Akala ko wala nang katapusan
Ang nakamit kong kaligayahan
Mula nang ako’y sumisikat pa lamang
Na abogado, huwis at naging senadora...

Ang kasikatan ko’y hindi maipagkakaila
Maraming tao ang humanga sa akin
Pinangarap nila na ako’y mahagkan at mayakap
Ako’y kanilang inidolo at minahal ng labis...

Nguni’t biglang nagbago ang ihip ng hangin
Iniwan ako ng aking mga kakilala’t kaibigan
Ako’y kanilang ipinagkanulo’t pinaratangan
Kasabay ang galit ng mamamayan at lipunan...

Ako raw ay protektor ng taong hanapbuhay ay druga
Ako raw ay umaabuso ng kapangyarihan na taglay ko
Kaya ako’y nahatulan at namimighati sa loob ng kulungan
Sang-ayon sa batas ng bayan kong sinilangan...

Dito sa loob ng masikip at madilim na piitan
Ang kaniig ko’y siphayo at kalungkutan
At mga kaluluwang ‘tulad ko’y naparusahan
Nangagsisisi’t humihingi ng kapatawaran...

Ang kanilang mga hinaing at paghihirap
Ang kanilang mga luhang nalalaglag
Ang kanilang mga nakabibinging pag-iyak
Ay lalung nagpapahina sa natitira kong lakas...

Aaminin ko mahirap ang magkunwari
Ang bawat himaymay ng aking laman
Ay sumisigaw din ng matinding hirap
Nagsisikip ang dibdib ko sa sobrang sakit...

At ang mga karapatan ko bilang mamamayan
Ay kasamang ikakandado sa loob ng kulungan
Ang pagiging ilkaw ko ng tahana’y naparam
Kasama ang karapatan kong maghanap ng ikabubuhay...

Masakit pala kapag napikon ang langit
Nguni’t ‘di ko magawang magalit sa Maylalang
Batid kong Siya ang higit na nakaaalam
Sa buhay ko na minsa'y Kaniyang kinalugdan!

About The Author

Paul is a Web content creator, online marketer, products and services promoter, online writer and a Filipino blogger. He has no specific areas where his writing will focus on. He writes any subject that interests him under the merciless sun. He loves Internetting and Face-booking. His favorite saying: "Dream big and don't stop without giving it a chance to come true."

Pangulong Duterte, Polaris Ng Mga Pinoy

Isa kang mamahaling hiyas na nakapulupot
Sa baywang ng sagradong balangaw
Ilaw mo’y liwanag ng malawak na kalangitan
Kumikinang kahit sa gitna ng karimlan...

Tulay ka ng mga nasasawi’t nasasaktan
Pinapangarap ng mga taong nagmamahal
Ika’y langis na hahaplos sa lahat ng sigalot
Na namumutawi sa loob at labas ng tahanan...

Matibay kang bantayog ng mabuting pamayanan
Taglay mo’y buhay at dakilang pag-asa
Para sa mundong puno ng hilahil at hinagpis
Ang masulyapan ka ay samo ng bawat isa...

‘Di matutularang regalong bigay ni Bathala
Pangulong Duterte, Polaris ng mga Pinoy! 

About the Author

Paul is a Web content creator, online marketer, products and services promoter, online writer and a Filipino blogger. He has no specific areas where his writing will focus on.He writes any subject that interests him under the merciless sun. He loves Internetting and Face-booking. His favorite saying: "Dream big and don't stop without giving it a chance to come true."

Ibang Trip Ito: Inibig Ko Ang Aking Likha: Buti Nalang Di Mukha ni De Lima

In my dream, she is the woman - My Heartbeats Blog

Habang ako’y nakadungaw sa bintana

Sa mata ko’y bumulaga si maganda

Katawan ay ‘tulad kay pepsi paloma

Paindak-indak siya’t patalon-talon...

Walang pakialam sa kan’yang paligid

Banaag ang ngiti sa kan’yang mga labi

Subali’t siya ay biglang sisimangot

At susundan ng kaniyang mga halakhak...

Mag-isa n’yang inaaliw ang sarili

Sa galaw ng maganda niyang katawan

Ako ay tuluyan nang nahiwagaan

‘Sang tanong sumagi sa aking isipan...

S’ya ba’y pinaglaruan ng kapalaran? 

At sumunod siya ay biglang lumuhod

Nakabukas ang dalawa niyang palad

Nagsumamo sa ‘di makitang kausap...

Sinilip ko siya’t aking pinagmasdan

Pinag-aralan ko ang buka ng bibig

Ang galaw ng mapupula niyang labi

Ang pilantik ng kaniyang mga daliri...

At galaw ng kaniyang paa at baywang

Nagmamakaawa na isayaw siya

At dalhin sa itaas ng kalangitan

At do’n siya mananahan bilang reyna...

Kasama ang mga ibon sa himpapawid

At kumpol-kumpol na maharot na ulap

Masaya silang nagsasayaw sa saliw

Ng malanding awit ng hanging habagat...

Subali’t hindi pa siya nasiyahan

Pati mga bituin ay gustong abutin

Yakapin, hagkan at angkinin gagawin

Niyang kuwentas, korona at porsilas...

Ang tindi ng kaniyang dating sa akin

Pati ako ay sa kan’ya nahumaling

Sa puso ko at isipa’y nagniningning

Alab ng pagsinta siya’y makapiling...

Nguni’t may pagitan sa aming dalawa

Sa ‘king isip siya’y buhay na malaya

‘Kahiya inibig ko ang aking likha

Nang ako’y napagod siya ay nawala!

About the Author

Paul is a Web content creator, online marketer, products and services promoter, online writer and a Filipino blogger. He has no specific areas where his writing will focus on.He writes any subject that interests him under the merciless sun. He loves Internetting and Face-booking. His favorite saying: "Dream big and don't stop without giving it a chance to come true."